News and articles

Беларускі Нацыянальны Моладзевы Савет «РАДА» шукае маладых і мэтанакіраваных прэтэндэнтаў на пазіцыю рэдактара моладзевага сайта www.ampby.org. Дэдлайн падачы заявак (рэзюмэ + заданне) 27.01.2014.

Для ўдзелу ў конкурсе неабходна даслаць да 27 студзеня 2014 уключна на адрас info@rada.fm (у тэме ліста пазначыць “redaktar”):

• Рэзюмэ.
• Заданне. Адкажы, калі ласка, на пытанне: «Якім ты бачыш развіццё сайта www.ampby.org на бліжэйшыя 2-3 гады? Што хацелася б змяніць ці дапрацаваць?» Аб’ем — да 5000 знакаў з прабеламі.

Плюсам для прэтэндэнтаў будзе наяўнасць спасылак/сканаў матэрыялаў і/альбо прыкладаў адрэдагаваных артыкулаў (і зыходных варыянтаў).

Адабраныя кандыдаты будуць запрошаныя на сумоўе.

Патрабаванні да кандыдатаў:

• Навыкі журналісцкай і/альбо рэдактарскай працы
• Уменне арганізацыі каманднай працы
• Дасканалае валоданне пісьмовай і вуснай беларускай і рускай мовамі. Валоданне замежнымі мовамі — вітаецца
• Профільная адукацыя, семінары і курсы — вітаюцца
• Прасунутае карыстанне кампутарам і офіснымі праграмамі
• Валоданне асновамі адміністравання сайта
• Валоданне асновамі інфармацыйнай бяспекі — вітаецца

Абавязкі рэдактара сайта ampby.org:

• Арганізацыя працы рэдакцыі і сайта ў адпаведнасці рэдакцыйнай палітыкай
• Генерацыя рэдакцыйных заданняў у адпаведнасці з канцэпцыяй сайта і кантроль якасці матэрыялаў, рэдактура і вычытка
• Абнаўленне і развіццё сайта
• Прасоўванне сайта і асобных артыкулаў на іншыя інфармацыйныя рэсурсы
• Праца па прасоўванні сайта ў сацыяльных сетках
• Збор і публікацыя інфармацыі пра дзейнасць моладзевых арганізацый
• Напісанне артыкулаў з улікам спецыфікі інтэрнэт-журналістыкі
• Наведванне мерапрыемстваў і напісанне артыкулаў па іх выніках
• Напісанне справаздач, збор статыстыкі сайта
• Наладжванне інфармацыйнага партнёрства і супрацоўніцтва з моладзевымі арганізацыямі, ініцыятывамі, праектамі, іншымі інфармацыйнымі рэсурсамі.

AMP