News and articles

Удзел у відэамосце чатырох гарадоў можа узяць любы ахвочы, абмеркаваць пачутае і падзяліцца сваім досведам працы. Вэбінар будзе складацца з двух частак, у першай з якіх Жазэфіна адкажа на раней зададзеныя пытанні, а ў другой – прыме ўдзел у відэадыскусіі.

Прымайце ўдзел у вэбінары! Для гэтага зрабіце адзін клік і зарэгіструйцеся>>

9 сакавіка 2017 г. а 18.00 на цэнтральным офісе ГА “БАЖ” у Мінску, а таксама ў рэгіянальных суполках у Гародні і Глыбокім адбудзецца вэбінар з дасведчанай шведскай журналісткай-фрылансеркай Жазэфінай Улевік.

Калі ласка, да 25 лютага уключна дасылайце вашыя пытанні сп-ні Улевік на адрас: press@baj.by з пазнакай «Пытанне да Жазэфіны».

Жазэфіна Улевік распавядае пра сябе:

►Цікаўная. Працую ў фрылансе ўжо 13 гадоў. Выдала тры кнігі. Апошнія год-два супрацоўнічаю ў якасці рэдактара з гэтым цудоўным часопісам -- vi-tidningen.se.

►Пераважна заўсёды працавала з уік-эндаўскімі выпускамі шведскіх агульнанацыянальных выданняў. Рыхтую партрэтныя інтэрв’ю, лонгрыды, падарожныя нататкі і асабістыя кронікі. 

►Мне падабаецца пісаць пра адносіны. У кожным героі мяне захапляюць чалавечыя стасункі, уздыхі, абмен позіркамі, штосьці невымоўнае.

►Сярод іншага, мае журналісцкія тэмы захопліваюць культурніцкую і сацыяльную праблематыку.

►Раней я ездзіла штогод у вялікую журналісцкую вандроўку разам з фатографам. Збылася мая даўняя журналісцкая мара. Мы ездзілі ў Мексіку, Бангладэш, Японію, на Трынідад, у Венесуэлу і ў Ліван. Было вельмі цікава, і я шмат чаго даведалася. Аднак пяць год таму я нарадзіла дзіця і стала марыць пра працу іншага кшталту. Як, напрыклад, пра напісанне кнігаў. 

►Я напісала кнігу пра культуру падарожжаў і жыцця ў трэйлерах, пра самотную жанчыну ў Токіё, пра маладую сямейную пару жанчын, якія вырашылі стаць мамамі.

►На мой погляд журналістыка -- гэта найбольш захапляльная прафесія з ўсіх магчымых.

►Вось мой інтэрнэт-сайт: www.olevik.se

►Вось некалькі неблагіх прыкладаў маіх працаў.

• Гэта партрэтнае інтэрв’ю з жонкай аднаго вельмі вядомага і вельмі супярэчлівага шведскага пісьменніка.
• Вось гісторыя пра правядзенне сусветнага кубку па працяглым плаванні ў ледзяной вадзе на самай поўначы Швецыі.
• А вось яшчэ адно партрэтнае інтэрв’ю пра найбольш вядомага на сёння шведскага пісьменніка Давіда Лагеркранца. Ён напісаў працяг трылогіі Стыга Ларсана і быў шмат крытыкаваны за гэта. Ён не хацеў даваць гэтае інтэрв’ю. Таму мы вырашылі напісаць яго без ягонага ўдзелу, размаўляючы з ягонымі сябрамі, калегамі і ворагамі. 

Для цікаўных -- фэйсбук Жазэфіны.