Навіны і артыкулы

Дзясяты штраф у гэтым годзе фрылансеру Кастусю Жукоўскаму
| Падзеі 159

Дзясяты штраф у гэтым годзе фрылансеру Кастусю Жукоўскаму

Суд Цэнтральнага раёна Гомеля 8 лістапада аштрафаваў журналіста-фрылансера, сябра ГА “БАЖ” Кастуся Жукоўскага за незаконны выраб і распаўсюд інфармацыі для замежнага ...

Суддзя Віктар Казачок, які разглядаў адміністрацыйную справу, пагадзіўся з высновамі міліцэйскага пратакола і прызнаў Жукоўскага вінаватым у парушэнні часткі 2, артыкула 22.9 КаАП за нібыта выраб для польскага спадарожнікавага тэлеканала “Белсат” відэасюжэта “Народ устаў на абарону справядлівага кіраўніка перад чыноўнікамі. І перамог!” Сюжэт гэты з’явіўся на сайце тэлеканала 10 кастрычніка. У  ім распавядалася пра бунт працаўнікоў аграпрадпрыемства «Някрашынскі» Акцябрскага раёна ў  адказ на  рашэнне раённага начальства звольніць дырэктара гаспадаркі.

На самым пачатку судовага пасяджэння Віктар Казачок запытаўся ў адказчыка, ці давярае ён суду? “Беларускі рэжым стварыў такую сістэму, што незалежнага, справядлівага суду ў нас няма. Як давяраць таму, чаго няма”, — заявіў у адказ Жукоўскі.

Кастусь Жукоўскі патлумачыў суду, што не рабіў відэаздымкаў у Валосавічах падчас страйку вяскоўцаў, а толькі “навучаў фрылансера Толчына як гэта рабіць”. Ніякіх дамоваў з польскім тэлеканалам “Белсат” ці нейкімі іншымі агенствамі не мае. Далей прапанаваў суддзі не марнаваць час, а выносіць хутчэй пастанову.

Судовае пасяджэнне па справе Жукоўскага доўжылася каля 14 хвілін.

“Уладным чыноўнікам хочацца смачна есці, таму я заўсёды буду вінаватым”, — пракаментаваў карэспандэнту службы маніторынгу ГА “БАЖ” чарговае судовае рашэнне Кастусь Жукоўскі.

Сёлета гэта ўжо дзясяты штраф журналісту-фрылансеру за працу без акрэдытацыі пры беларускім МЗС.

Крыніца

Фота: "Радыё Свабода"